Google ADS

Sulmi në centralin bërthamor paraqet dy rreziqe të drejtpërdrejta për instalimet bërthamore

08:23 | 4 Mars 2022
S D

Ministri i Jashtëm i Ukrainës, Dmytro Kuleba, thotë se trupat ruse “po qëllojnë nga të gjitha anët” në uzinën bërthamore të Zaporizhzhia, centrali më i madh në Evropë, raporton BBC, transmeton arbresh.info.

Zyrtarët lokalë thonë se nga këto sulme ka rënë zjarr në uzinë.

Rusët duhet të ndërpresin menjëherë zjarrin, të lejojnë zjarrfikësit, të krijojnë një zonë sigurie! ka shkruar ai në Twitter.

Laura Rockwood, drejtoresha e rrjetit jofitimprurës të Open Nuclear Network, i tha më herët Radio 4 të BBC-së se lufta mund të ketë një ndikim në rrjetin elektrik të Ukrainës, i cili varet nga energjia bërthamore.

Ajo tha se aktiviteti ushtarak rreth një centrali paraqet dy rreziqe të drejtpërdrejta për instalimet bërthamore – dëmtim të mundshëm në infrastrukturën e një centrali dhe dëmtim të personelit të tij, ose dëme shumë më serioze që ndikojnë në aftësitë operacionale të një centrali që mund të shkaktojnë një shkrirje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm